හිටපු මුදල් අමාත්‍යවරයෙකු වූ අභාවප්‍රාප්ත රොනී ද මෙල් මහතාගේ දේහය අද(28) පස්වරු එකට කොල්ලුපිටිය චාල්ස් ඩ්‍රයිව් හි පිහිටි ඒ මහතාගේ නිවසේ තැන්පත් කිරීමට නියමිතය.
රොනී ද මෙල් මහතා ඊයේ(27) රාත්‍රි අභාවප්‍රාප්ත වූයේ කොළඹ පෞද්ගලික රෝහලක ප්‍රතිකාර ලබමින් සිටියදී ය
මහජන ගෞරවය සඳහා හෙට(29) පස්වරු එක දක්වා දේහය එහි තැන්පත් කර තැබෙනු ඇති.
අනතුරුව හෙට පස්වරු එකට රිය පෙරහැරකින් දේහය රුහුණ විශ්වවිද්‍යාලයට රැගෙන යාමට නියමිතය.
අවසන් කටයුතු එහිදි සිදු කිරීමට සැලසුම් කර තිබේ.
අභාවප්‍රාප්ත වනවිට රොනී ද මෙල් මහාගේ වයස අවුරුදු 99 කි.
1977 වසරේ මුදල් හා ක්‍රම සම්පාදන අමාත්‍ය ධුරයට පත් රොනී ද මෙල් මහතා 1988 වසර දක්වා එම ධුරයේ රැඳී සිටිමින් අයවැය 11 ක් ඉදිරිපත් කළේ ය.
ඔහු හැඳින්වෙන්නේ මෙරට නිදහස් ආර්ථික ක්‍රමය ඇති කිරීමට පුරෝගාමීවූ දේශපාලඥයෙකු ලෙසය.