හෙට දිනයේ සිදු කිරීමට නියමිත අමාත්‍ය මණ්ඩල සංශෝධනයේදී ජනමාධ්‍ය අමාත්‍යාංශය මංගල සමරවීර මහතාගෙන් ඉවත් කිරීමට සූදානම් වන බවට තොරතුරු වාර්තා වනවා.
ඊයේ 29 බිංගිරිය දේවගිරි රජමහා විහාරස්ථානයේ පැවති රාජ්‍ය වෙසක් උත්සවයේ අටවිසි බුද්ධ පූජාවේ සජීවී විකාශය අතරමග අත්හිටුවීමට කටයුතු කිරීම පිළිබදව ජනමාධ්‍ය ඇමති මංගල සමරවීරට එරෙහිව ජනාධිපතිවරයාට පැමිණිළි ලැබී ඇතැයි ජනාධිපති ලේකම් කාර්යාල ආරංචි මාර්ග සදහන් කරයි.
ඇමතිවරයාගේ ක්‍රියාකාලාපය අසා ජනාධිපතිවරයාද දැඩි ලෙස නොසතුට පළකර ඇති අතර ජනාධිපති කාර්යාල උසස් නිලධාරීන් සමග ප්‍රකාශ කර ඇත්තේ ජනමාධ්‍ය අමාත්‍යාංශය මංගල සමරවීර මහතාගෙන් ඉවත් කිරීමට කටයුතු කරන බවයි.
ජාතික රූපවාහිනියේ විකාශය වූ අදාල සජීවී විකාශය අත්හිටුවන අවස්ථාවේ ධර්ම දේශනය පවත්වමින් සිටියේ පූජ්‍ය ගලගොඩඅත්තේ ඥාණසාර හිමියන්ය. බුද්ධ ශාසන අමාත්‍ය ගාමිණි ජයවික්‍රම පෙරේරා මහතා ගලගොඩඅත්තේ ඥාණසාර හිමියන් අමතා මංගල සමරවීර ඇමතිවරයා සිදුකළ නොමනා ක්‍රියාව පිළිබද සිය කණගාටුව ප්‍රකාශ කර ඇති බවද පැවසේ.