පලස්තීනුවන්ට යුදමය හා මූල්‍යමය වශයෙන් සහයෝගය ලබා දෙන ලෙස ඉරාන උත්තරීතර නායක අයතුල්ලා අලි කමේනි ඊයේ (21) මුස්ලිම් රාජ්‍යයන්ගෙන් ඉල්ලා සිටියේය. ඊශ්‍රායලය සමඟ දින 11 ක ගැටුමකින් පසු ගාසා තීරය නැවත ගොඩනැංවීමට ද සහාය වන ලෙස ඔහු ලොවපුරා සියලුම මුස්ලිම් රටවලින් නිවේදනයක් නිකුත් කරමින් ඉල්ලා සිටින ලදි.
“මුස්ලිම් රාජ්‍යයන් පලස්තීන ජනතාවට යුදමය, මූල්‍ය ආධාර මගින් හෝ ගාසා තීරයේ යටිතල පහසුකම් නැවත ගොඩනැංවීමේදී අවංකවම සහාය දිය යුතුය” යනුවෙන් කමේනි මාධ්‍ය ආයතන විසින් නිකුත් කළ නිවේදනයක දැක්වේ.