ඒකාබද්ධ විපක්ෂයේ ශ්‍රී ලනිප මන්ත්‍රීවරුන් සිව්දෙනෙකු ජනවාරි මස මුලදී ආණ්ඩුවට එක්වීමට එකඟත්වය පළකර ඇතැයි එම පක්ෂයේ අභ්‍යන්තර ආරංචිමාර්ග පවසයි.
පවිත්‍රා දේවි වන්නිආරච්චි මන්ත්‍රීවරිය හා ලක්ෂමන් සෙනවිරත්න, මනුෂ නානායක්කාර යන මන්ත්‍රීවරුන් සමග දැනටමත් ඒ සම්බන්ධයෙන් සාකච්ජා ආරම්භවී ඇතැයි එම ආරංචිමාර්ග වැඩිදුරටත් කියා සිටියි.
මේ සම්බන්ධයෙන් කල විමසිමකදී අදහස් දැක්වූ වාරිමාර්ග ඇමැති විජිත් විජිතමුණි සොයිසා මහතා කියා සිටියේ, ඉදිරි සති දෙක ඇතුළත යහපාලන ආණ්ඩුව සමඟ එක්‌වී ඇමැති ධුර ලබාගෙන රටට සේවය කිරීමට විපක්ෂ ශ්‍රී ලංකා නිදහස්‌ පක්ෂයේ පාර්ලිමේන්තු මන්ත්‍රීවරුන් සිවුදෙනකු කැමැත්ත පළකර ඇති බවයි.
මෙම සිවුදෙනාට අමතරව තවත් දෙතුන් දෙනකු ආණ්ඩුව සමඟ එක්වීමට සාකච්ඡා කරගෙන යන බවද හෙතෙම කීය.
ලබන වසර මුල මෙම පිරිස ආණ්ඩුව සමඟ එක්‌වන බව තමාට විශ්වාස යෑයි ද ඇමැතිවරයා වැඩිදුරටත් කීය.
– Srilankanmirror