ඇෆ්ගනිස්ථානයෙන්, එක්සත් ජනපද නේටෝ භටයින් ඉවත් කර ගැනීම සඳහා මැයි 1 වන දිනට නියමිත කාල සීමාව ප්‍රතික්ෂේප කිරීමට එරෙහිව තලේබාන් සංවිධානය එක්සත් ජනපදයට ප්‍රබල අනතුරු ඇඟවීමක් සිදු කර තිබෙන බව විදෙස් මාධ්‍ය වාර්තා කර තිබේ.
තලේබාන් සංවිධානයේ පිරිසක් ඇෆ්ගනිස්ථානයේ දශක ගණනාවක යුද්ධය අවසන් කිරීම සඳහා ඇණහිට ඇති සාම ක්‍රියාවලියක් ආරම්භ කිරීමට උත්සාහ කරන ලෙස ඇෆ්ගනිස්ථාන රජයේ සාකච්ඡාකරුවන් සහ ජාත්‍යන්තර නිරීක්ෂකයින් හමුවීමෙන් පසු දින මොස්කව්හි පැවති මාධ්‍ය හමුවකදී මෙම සංවිධානය සිය අනතුරු ඇඟවීම ප්‍රසිද්ධියේ නිකුත් කර තිබෙන බවයි වාර්තා වන්නේ.