World

තලෙයිබාන් ප්‍රහාර හමුවේ ඇෆ්ගනිස්ථාන හමුදාවන් පළා යයි – නගරයෙන් නගරයට සටන්කාමින් සිය බලය අල්ලා ගනී

ඇෆ්ගනිස්තානයේ ප්‍රධාන නගර රැසක බලය මේවනවිට තලෙයිබාන් සංවිධානය යටතට පත්ව ඇත. තලෙයිබාන් සංවිධානය හා ඇෆ්ගන් හමුදාව අතර ප්‍රදේශ රැසක දරුණු ගැටුම් පවතින බවත්, ගැටුම් හමුවේ හමුදාව පළායාම හේතුවෙන් තලෙයිබාන් සංවිධානය නගරයෙන් නගරයට සිය බලය අල්ලා ගනිමින් සිටින බවත් විදෙස් මාධ්‍ය වාර්තා කරයි.

හේරාට් හා කන්දහාර් යන උපාය මාර්ගික වශයෙන් අතිශය වැදගත් ප්‍රධාන නගර ද මේවනවිට පවතින්නේ තලෙයිබාන් පාලනය යටතේයි.

මේ අතර ඇෆ්ගනිස්තානයේ කාබුල් අගනුවර තලෙයිබාන් සංවිධානය යටතට පත්වීමේ අවදානමක් ද මේවනවිට මතුව ඇති බවයි විදෙස් මාධ්‍ය පවසයි. උපායමාර්ගික වශයෙන් වැදගත් ගස්නි නගරයේ බලය තලෙයිබාන් සංවිධානය සියතට ගෙන ඇති අතර ඒ හමුවේ කාබුල් අගනුවර ආරක්ෂාව අර්බුදකාරී තත්ත්වයකට පත්ව ඇතැවි විදෙස් මාධ්‍ය වාර්තා කරයි.

කෙසේවෙතත් තලෙයිබාන් සංවිධානයේ පාලනයෙන් මිදී පළා එන ඇෆ්ගන් වැසියන් දහස් ගණනක් මේවනවිට සරණාගතයින් ලෙස රැඳී සිටින්නේ කාබුල් අගනුවරයි. එම සරණාගතයින් අතර දරුවන් රැසක් ද සිටි.

ඇෆ්ගනිස්තානය මෙලෙස තලෙයිබාන් පාලනයට නතු වෙමින් ඇත්තේ අමෙරිකානු හමුදාව එරටින් ඉවත්වීමත් සමගයි.

Related posts

ඩොනල්ඩ් ට්‍රම්ප් සමාජ ජාලා වාරණයකට සැරසෙයි

colombotoday

ඔමික්‍රෝන් රටවල් 24කට ඇතුළු වෙයි.

colombotoday

ට්‍රම්ප්ට නියමිත දිනට පෙර ධුරයෙන් ඉවත් වන්නැයි දැඩි ඉල්ලීම්

colombotoday

රුසියාව ISIS ත්‍රස්තවාදීන්ගේ ඔලුවටම පහර දෙයි. පළමු ගුවන් ප්‍රහාරයෙන් මර්මස්ථාන අටක් විනාශයි

colombotoday

පැරිසියේ දැවැන්ත පිපිරීමක්…

colombotoday

රික්ටර් මාපක 8.2 ක භූමිකම්පාවක් – ඇලස්කාවට සුනාමි අනතුරු ඇඟවීම්

colombotoday