හිටපු අමාත්‍ය හා පාර්ලිමේන්තු මන්ත්‍රී රිෂාඩ් බදුර්දීන් මහතාට අපහාස වන ආකාරයේ හා ද්වේෂ සහගත ප්‍රකාශ සිදු කිරීම වළක්වාලමින් කොළඹ දිසා විනිසුරු අරුණ අලුත්ගේ මහතා අද(16)දින අමාත්‍ය විමල් වීරවංශ මහතාට එරෙහිව වාරණ නියෝගයක් නිකුත් කළේය.
එය ලබන 30 වැනිදා තෙක් බලපැවැත්වෙන පරිදි මෙම වාරණ නියෝගය නිකුත් කරන ලදී.
එසේම පළමු වගඋත්තරකාර විමල් වීරවංශ මහතා විසින් සිදු කරනු ලැබූ එවැනි අපහාසාත්මක ප්‍රකාශ ප්‍රසිද්ධ කිරීම හා ප්‍රචාරය කිරීම වළක්වාලමින් ප්‍රධාන පෙළේ විද්‍යුත් මාධ්‍ය තුනක ප්‍රවෘත්ති අධ්‍යක්ෂකවරුන් වෙත වාරණ නියෝගය නිකුත් කර ඇත.