සිරියාව තුළ සිදුකරන හමුදාමය ක්‍රියාදාමයේදී සිය උපරිම ශක්ති ප්‍රමාණය තවම නොයෙදූ බව රුසියානු ජනාධිපති ව්ලැදිමීර් පූටින් අවධාරණය කරයි.
ජනධිපතිවරයා පවසන්නේ මීටත් වඩා එහාගිය සටනකට රුසියාව සූදානම් බවයි. අවශ්‍ය වුවහොත් ඒ සඳහා පසුබට නොවන බවද පූටින් අවධාරණය කරයි.
රට තුළ පවතින සිවිල් ගැටුම් මෙන්ම IS ඉස්ලාම් රාජ්‍ය අන්තවාදීන්ගේ ග්‍රහණයට නතුව ඇති සිරියාව වෙත සාමය කැඳවාගෙන ඒමේ එක්සත් ජාතීන්ගේ ආරක්ෂක මණ්ඩල සැසිවාරයට දිනකට පසුව අදහස් දක්වමින් පූටින් මෙසේ පවසා තිබේ.
සිරියානු සිවිල් යුද්ධය මේ වනවිට 5 වැනි වසරටත් පා තබා ඇති අතර, එහිදී මියගිය පිරිස 250,000කට වැඩිය. එමෙන්ම, මේ හේතුවෙන් අවතැන් වූවන් මිලියන ගණනකි.