මුස්ලිම් නීතිය සංශෝධනය කිරීම සඳහා වෙනම කමිටුවක් පත්කර ඇති බව අධිකරණ අමාත්‍ය ජනාධිපති නීතීඥ අලි සබ්රි මහතා පවසයි.
ඊයේ (30)දින කොළඹ නීතිඥ සංගමයේ දී පැවැති උත්සවයක් අමතමින් අමාත්‍යවරයා ඒ බව සඳහන් කළේය.
ක්ෂේත්‍ර ගණනාවකම නීති ප්‍රතිසංස්කරණ හා සංශෝධනය කිරීම සඳහා කමිටු පත්කර ඇතැයි ද අමාත්‍යවරයා මෙහිදී පැවසීය.
එහිදී වැඩිදුරටත් අදහස් දැක්වූ අධිකරණ අමාත්‍ය ජනාධිපති නීතීඥ අලි සබ්රි මහතා,
“සිවිල් රිෆෝම්ස්වලට තරුණ කට්ටිය එකතුවෙලා සම්පුර්ණයෙන්ම කටයුතු කරනවා. මේවන විට අපි කමිටු 11ක් දාලා නීතිය පිළිබඳ සංශෝධන කරගෙන යනවා. මේක ආප්ප බානවා වගේ එක දවසින් කරන්නට බැහැ මට ඕන දේවල්. මුස්ලිම් නීතිය සංශෝධනය කිරීම සඳහාත් මම වෙනම කමිටුවක් දාලා තියෙනවා. ඒක මට අමතකවෙලා නැහැ.“