ඉදිරි මාස 6ක කාලය තුළදී අත්‍යවශ්‍ය භාණ්ඩ 15කට ස්ථාවර මිලක් පවත්වාගෙන යාම සඳහා ගිවිසුම් අත්සන් කරන බව වෙළඳ ඇමැති ආචාර්ය බන්දුල ගුණවර්ධන මහතා කීය.
හාල්, පිටි, සීනි, පරිප්පු, සැමන් ඇතුළු අත්‍යවශ්‍ය භාණ්ඩ 15ක මිල ස්ථාවරව පවත්වාගෙන යාම සඳහා ආනයනකරුවන්, නිෂ්පාදකයන් හා වෙළඳ ආයතන අතර ගිවිසුම් අත්සන් තැබෙන බවද ඇමැතිවරයා කීය.
ඒ සඳහා අද(26)දින එක් එක් අත්‍යවශ්‍ය භාණ්ඩයක් සඳහා වෙන් වෙන් වශයෙන් ගණනය කරනු ලබන බවද, බන්දුල ගුණවර්ධන මහතා කීය.
මෙම ගිවිසුම්වලට බොහෝදුරට මේ සතියේ ම අත්සන් තැබෙන බවද ඇමැතිවරයා ප්‍රකාශ කළේය.