සෞදි අරාබිය විසින් පනවා තිබූ ජාත්‍යන්තර ගුවන් ගමන් තහනම ඉවත් කිරීමට තීරණය කර තිබේ.
ලබන මාර්තු මස 31 වනදා සිට එම තහනම ඉවත් කිරීමට පියවරගන්නා බව එරට රජය පවසයි.
ඒ අනුව, සිය පුරවැසියන්ට විදෙස්ගත වීමට සහ වෙනත් රටවල සිට පැමිණෙන පුද්ගලයින් සඳහා සෞදි අරාබිය වෙත පැමිණීමේ අවස්ථාව හිමිවේ.
කෙසේවෙතත් බ්‍රිතාන්‍යයෙන් වාර්තා වූ කොවිඩ් නයින්ටීන් වෛරසයේ නව ප්‍රභේදයේ ව්‍යාප්තිය සැළකිල්ලට ගනිමින් එරට සිට පැමිණෙන පුද්ගලයින් සඳහා සීමාවන් පැනවීමට පියවර ගෙන තිබේ.
එම සීමාවන් ලබන මාර්තු මස 31 වනදා සිට ක්‍රියාත්මක වන අතර ඊට යටත්ව බ්‍රිතාන්‍යයේ සිට සෞදි අරාබියේ වෙත පුද්ගලයින්ට පැමිණීමේ හැකියාව පවතින බව විදෙස් මාධ්‍ය වාර්තා කළේය.