කුරුණෑගල කුඩා ගල්ගමුව ප්‍රදේශයේ නිවාස දෙකකින් පොල් සොරකම් කිරීමේ සිද්ධියක් සම්බන්ධයෙන් 13 හැවිරිදි පාසල් සිසුවෙකු ඇතුළු සැකකරුවන් හයදෙනෙක් අත්අඩංගුවට ගෙන තිබේ.
සෙසු සැකකරුවන් ද අවුරුදු 22ට අඩු තරුණයන්.
කුරුණෑගල කුඩාගල්ලමුව ප්‍රදේශයේ නිවාස දෙකකින් පොල් ගෙඩි 1070ක් මෙලෙස සොරකම් කර ඇති බවයි පැවසෙන්නේ.
ඒවායේ වටිනාකම රුපියල් 71,000කට අධිකයි.
මේ සම්බන්ධයෙන් ලැබුණු තොරතුරු මත සිදුකළ විමර්ශනයකදී සොරාගන්නා ලද පොල් තොගයෙන් කොටසක් සහ ඒවා ප්‍රවාහනය කිරීමට යොදාගත් කුඩා ලොරි රථයක් ද පොලිස් භාරයට ගෙන තිබේ.
මේ සම්බන්ධයෙන් සැකකරුවන් 6 දෙනෙකු පොලිසිය විසින් අත්අඩංගුවට ගනු ලැබුවා.
ඔවුන් අතරින් 5 දෙනෙකු අවුරුදු 18, 21 සහ 22 යන වයස්වල පසුවන කුරුණෑගල කුඩාගල්ගමුව ප්‍රදේශයේ පදිංචිකරුවන්ය.
අනෙක් සැකකරු 13 වියේ පසුවන පාසල් සිසුවෙකු ද වීම විශේෂත්වයක්.
සැකකරුවන් කුරුණෑගල මහේස්ත්‍රාත් අධිකරණයට ඉදිරිපත් කිරීමෙන් අනතුරුව ඇප මත නිදහස් කර තිබේ.