කලවාන කොඩිප්පිලිකන්ද ප්‍රදේශයේ පුද්ගලයන් 18 දෙනෙකුගෙන් ලබාගත් පී.සී.ආර් සාම්පල පොසිටිව් බව සනාතවීම හේතුවෙන් අද (02)දින පැවැත්වීමට නියමිතව තිබූ කලවාන සතිපොල සෞඛ්‍ය ආරක්ෂාව උදෙසා වසා දැමිමට පියවර ගත්බව කලවාන ප්‍රාදේශීය සභාව පවසයී.
ඊයේ රාත්‍රි එම පුද්ගලයන් 18 දෙනාගේ පී.සී.ආර් සාම්පල ලැබී ඇති අතර ඔහුන්ට කොරොනා ආසාදනය වී ඇති බවට තහවුරු වී ඇති බව කලවාන සෞඛ්‍ය වෛද්‍ය නිලධාරි කාර්‍යාලය පැවසීය.මෙම ආසාදිතයින් කොරොනා ආසාදනය වූ කොඩිප්පිලිකන්ද ප්‍රදේශයේ පොලිස් නිලධාරිවරයාගේ ආශ්‍රිතයන් බව කලවාන සෞඛ්‍ය වෛද්‍ය නිලධාරි කාර්‍යාලය පැවසීය.මේ වනවිට කලවාන ප්‍රදේශයෙන් කොරොනා ආසාදනය වී ඇති පුද්ගලයන් 24 දෙනෙකු වාර්තා වන බවද කලවාන සෞඛ්‍ය වෛද්‍ය නිලධාරි පවසයි.