Colombo Today Local News

නිවසක බිත්තියක් කඩාවැටී දරුවකු මිය යයි

කිලිනොච්චිය , තොණ්ඩමන්නගර් ප්‍රදේශයේ නිවසක බිත්තියක් කඩාවැටීමෙන් අට හැවිරිදි පිරිමි දරුවකු එයට යටවී අද(12)දින දහවල් මියගොස් ඇතැයි කිලිනොච්චිය පොලිසිය කියයි.

දිවා ආහාරය ලබාගනිමින් සිටියදී මෙම අනතුර සිදුව ඇති අතර බිත්තියට යටවීමෙන් බරපතල තුවාල ලබා සිටි දරුවා කිලිනොච්චිය රෝහල වෙත ඇතුළත් කිරීමේදී මියගොස් ඇති බව පොලිසිය සඳහන් කළේය.

එලෙස මියගොස් ඇත්තේ කිලිනොච්චිය , තොණ්ඩමන්නගර් හි පදිංචි නිරෝයන් රුසාන්තන් නැමති කිලිනොච්චිය මහ විද්‍යාලයේ ඉගෙනුම ලැබූ පාසල් සිසුවෙකි.

දින ගණනක් ඇතිවූ වර්ෂාව හේතුවෙන් තොණ්ඩමන් නගර් ප්‍රදේශයේ ජලය බැසනොගොස් තිබූ අතර එම හේතුවෙන් නිවසෙහි බිත්තිය පුපුරා කඩා වැටී ඇති බවද පොලිසිය පැවසීය.

අනතුරත් සමඟ ප්‍රදේශවාසීන් විශාල පරිශ්‍රමයක් දරා දරුවා පිටතට ගෙන රෝහල් ගතකිරීමට පියවරගෙන තිබූ බවත් එ වන විට දරුවා මියගොස් සිටි බවද පොලිසිය වැඩිදුරටත් පැවසීය.

වසර ගණනාවක් සිට වර්ෂාවක දී තම ගම්මානයේ ජලය නොබසින බවත් කරච්චි ප්‍රදේශිය සභාවට දැනුම් දී පිළියම් ඉල්ලා සිටියද විසඳුම් නොලැබීම හේතුවෙන් තමන්ට මෙම අවාසනාවන්ත සිදුවීම අත්විදීමට සිදුවූ බව ප්‍රදේශවාසීහු පැවසීය.

මියගිය දරුවාගේ සිරුර පිළිබඳ මහෙස්ත්‍රාත් පරීක්ෂණයෙන් අනතුරුව පශ්චාත් මරණ පරීක්ෂණය කිලිනොච්චිය මහ රෝහලේ සිදුකිරීමට නියමිතව තිබුණි.

කිලිනොච්චිය පොලිසිය වැඩිදුර විමර්ශන සිදුකරයි.

Related posts

මෛත්‍රී මියගියොත් ජනපති පුටුවට රනිල්… ඝාතන කුමන්ත්‍රණය කාගේදැයි එස්.බී. කියයි… ජනපතිගේ ආරක්ෂාව තර කරයි…

colombotoday

“උ/නැගෙනහිර එක් නොකර වෙන කිසිම විසදුමක් එපා.. ඒකීය රාජ්‍යයත් එපා“ – ද්‍රවිඩ සන්ධානය

colombotoday

අද සහ හෙට සියලු දුම්රිය ධාවනයන් අවලංගුයි

colombotoday

ඇල්පිටිය මැතිවරණය ඇරඹෙයි

colombotoday

සුදු වෑන් මාධ්‍ය සාකචඡාවේ දෙදෙනා හා රාජිතගේ ලේකම්ට ඇප !

colombotoday

ක්‍රි.ව. 10වන සියවසට පෙර උතුරේ දෙමළ ජනතාව සිටිය බව ඔප්පු කරන්න. එල්ලාවල හිමිගෙන් විග්නේෂ්වරන්ට අභියෝගයක්‌

colombotoday