බස්නාහිර පළාත තුළ සිදුකළ විශේෂ වැටලීමකදී ගත වූ පැය 24 තුළ හෙරොයින් ඇතුළු විවිධ මත්ද්‍රව්‍ය ළඟ තබාගත් පුද්ගලයින් 714 දෙනෙකු අත්අඩංගුවට ගෙන තිබේ.
බස්නාහිර පළාත භාර ජ්‍යෙෂ්ට නියෝජ්‍ය පොලිස්පති දේශබන්දු තෙන්නකෝන් මහතාගේ උපදෙස් පරිදි ඊයේ උදෑසන 6.00 සිට අද උදෑසන දක්වා මෙම වැටලීම් සිදුකර ඇති බව වාර්තා වේ.
මෙහිදි හෙරොයින් ළඟ තබාගත් පුද්ගලයින් 218 දෙනෙකු ගංජා ළඟ තබාගත් පුද්ගලයින් 98 දෙනෙකු, නීති විරෝධි මත්පැන් සහ ගෝඩා ළඟ තබාගත් පුද්ගලයින් 320 දෙනෙකු අත්අඩංගුවට ගෙන තිබේ.
ඊට අමතරව අයිස්, මාවා, බාබුල්, ඇතුළු විවිධ මත්ද්‍රව්‍ය ළඟ තබාගත් පුද්ගලයින් 78 දෙනෙකු ද අත්අඩංගුවට ගෙන ඇති බවයි පොලීසිය සඳහන් කළේ.