Colombo Today Local News

පැතිරී යන කොවිඩ් 19 වසංගතය ගැන සතුටුවන IS නායකයා සතුරන්ට උපරිමයෙන් ප්‍රහාර එල්ල කරන්න සිය අනුගාමිකයින් දැනුවත් කරයි

ලොව බටහිර රටවල් වල පැතිරී යන කොවිඩ් 19 වසංගතය සම්බන්ධයෙන් තමන් සතුටු වන බවත් එය දෙවියන් දුන් දඬුවමක් බව ඉස්ලාමිය ත්‍රස්ත සංවිධානයක් වන ISIS සංවිධානය පවසනවා.

IS සංවිධානයේ මාධ්‍ය ප්‍රකාශකවරයා වන අබු හම්සා අල්-කුරේෂි විසින් පටිගත කරන ලද එම පණිවිඩය ඔවුන්ට සහය දක්වන වෙබ් අඩවියක පළ කොට තිබුණා.

” මේ වතාවේ දෙවියන් වහන්සේ ඔහුගේ අභිමතය පරිදි ඒකාධිපතියන්ට සහ ඔවුන්ගේ අනුගාමිකයින්ට දඬුවම් කර තිබෙනවා. මෙවර එය ඔවුන්ගේ ඇසට නොපෙනෙන දෙයක්. දෙවියන් ඔවුන්ට දුන් දඬුවම ගැන අපි අතිශයින් සතුටු වන්නෙමු” IS මාධ්‍ය ප්‍රකාශකවරයා මෙහිදී කියා සිටියා.

මේ අතර තමන්ට හැකි උපරිම ශක්තිය යොදවා සතුරන්ට සහ ඔවුන්ගේ මර්මස්ථාන වෙත දැඩි ප්‍රහාර එල්ල කරන ලෙස IS සංවිධානයේ නායක අබු ඊබ්‍රාහිම් අල්- හෂෙම් අල් කුරේෂි සිය අනුගාමිකයින්ට දැනුම් දී තිබෙනවා.

සිය සතුරන්ට කිසිදු ලෙස බියෙන් තොරව ජිවත් වීමට ඉඩ නොතබන ලෙසද සිය පණිවිඩය මගින් වැඩිදුරටත් IS නායකයා තම අනුගාමිකයින්ට දැනුම් දී ඇත.

IS නායකයා සිය පණිවිඩය මගින් ප්‍රහාර එල්ල කළ යුතු රටවල් හෝ පුද්ගලයින් සම්බන්ධයෙන් කිසිදු හැඳින්වීමක් සිදුකර නොමැති බවයි ඉස්ලාමිය ත්‍රස්ත සංවිධානවල ක්‍රියාකාරිත්වය සම්බන්ධයෙන් විමර්ශනය කරනු ලබන බටහිර බුද්ධි අංශ පෙන්වා දෙන්නේ.

-Neth news

Related posts

GMOA විරෝධය නොතැකේ.. SAITM සිසුන්ට රජයේ රෝහල් දෙකක සායනික පුහුණුව

colombotoday

වෛද්‍ය පීඨ සිසුන්ට පොලීසියෙන් ජල ප්‍රහාරයක්

Admin

බැදුම්කර කොමිසම නිසා ජනපතිට ජීවිත තර්ජණ !

colombotoday

ගණිත අංශයෙන් සරසවි වරම් ලැබූ සිසුවා මිය යයි

Admin

හමුදාව යටතේ ඇති ඉඩම් නිදහස් කරනවා, යුධ අපරාධකරුවන්ට අනිවාර්යෙන්ම දඩුවම් දෙනවා ! – රවුෆ් හකීම් තමිල්ණාඩුවේදී කියයි

colombotoday

සැඟවී සිටින බදුර්දීන් ඉදිරි දින 2 තුළ අධිකරණයට භාරවෙනවලු – සමස්ත ලංකා මහජන කොංග්‍රසයේ පක්ෂ මහා ලේකම් කියයි.

colombotoday