රජයේ හෙද නිලධාරීන්ගේ සංගමයේ ජාතික රෝහල් ශාඛාව හා තරුණ සංසදය විසින් සංවිධානය කරන ලද සංගීත වැඩසටහනක් කොළඹ ජාතික රෝහලේ තෙවන වෛද්‍ය වාට්ටු සංකීර්ණයේදී සහ IDH රෝහලේ දී ඊයේ (16) පැවැත්වුණා.
කොරෝනා ආසාදිත බවට සැක කෙරෙන රෝගීන් ඇතුලත් කරන්නේ මෙම වාට්ටුවට වන අතර එහි සේවයේ නිරත සෞඛ්‍ය කාර්ය මණ්ඩලයේ සහ රෝගීන්ගේ මානසික සුවය වෙනුවෙන් එම වැඩසටහන සංවිධානය කර තිබුණි.
සංගීත කණ්ඩායම මෙහෙයවන්නේ ද හෙද නිලධාරීන් විසින් වන අතර එම කණ්ඩායම ජාතික රෝහල ඇතුළු සෙසු රෝහල්වල සේවයේ නිරත හෙද නිලධාරීන්ගෙන් සමන්විතයි.
IDH රෝහල් පරිශ්‍රයේ පැවති වැඩසටහනට එහි අධ්‍යක්ෂ වෛද්‍ය හසිත අත්තනායක මහතාද එක්ව සිටියා