24 C
Colombo
4 April 2025
Colombo Today Local News

අත්අඩංගුවට ගත් කොටියා වමාරයි – කිලෝ 15ක ක්ලේමෝ බෝම්බ 2 ක් සොයා ගනී

ති‍්‍රකුණාමලය සේරුනුවර ප‍්‍රදේශයේ රැඳී සිටියදී යුද හමුදාව මගින් අත්අඩංගුවට ගෙන පොලිසියට භාර දුන් තීබන් නොහොත් ජෝශප් පීටර් රොබින්සන් නමැති එල්ටීටීඊ ත‍්‍රස්තවාදියාගෙන් ලබාගත් තොරතුරු මත කිලෝග‍්‍රෑම් පහළොව බැගින් බරැති අධිබල ක්ලේමෝ බෝම්බ දෙකක් පොලිසිය සොයාගෙන තිබේ.

කිලිනොච්චිය පොලිස් ත‍්‍රස්ත විමර්ශන ඒකකය භාරයේ සිටින මෙම කොටි ත‍්‍රස්තවාදියාගෙන් වැඩිදුරටත් සිදු කළ ප‍්‍රශ්න කිරීම්වලදී යාපනය කොණ්ඩාවිල් වරණි ප‍්‍රදේශයේ ඉඩමක් පිටුපස වළ දමා තිබී මෙම බෝම්බ දෙක සොයා ගැනීමට පොලිසිය සමත්ව ඇත.

නැගෙනහිර පළාතේදී ප‍්‍රභූ දේශපාලන ඝාතනයකට සූදානම්ව සිටියදී මෙම කොටි ත‍්‍රස්තවාදියා යුද හමුදාවට කොටුවී ඇතැයි මේ වන විට තොරතුරු අනාවරණය වී ඇත.

මෙම කොටි ත‍්‍රස්තවාදියා මීට වසර දෙකකට පමණ පෙර කිලිනොච්චිය ඔඞ්ඩුසුඩාන් මාර්ගයේදී ති‍්‍රරෝද රථයකින් පුපුරන ද්‍රව්‍ය තොගයක් ප‍්‍රවාහනය කරමින් සිටි කොටි ත‍්‍රස්තවාදීන් පිරිසක් පොලිසියට කොටුවූ අවස්ථාවේ පොලිසියෙන් බේරී පලා ගිය අයකු බවට ද තොරතුරු හෙළිවී ඇත.

පොලිස් ත‍්‍රස්ත විමර්ශන කොට්ඨාසය වැඩිදුර විමර්ශන සිදුකරයි.

Related posts

වයිබර් වැඩ…

colombotoday

හෙරොයින් රැගෙන පියයි සැමියයි බලන්න ගිය කතක් අත්අඩංගුවට

Admin

පොහොට්ටුව-ශ්‍රීලනිප එක්වී මීගමු නගරසභාවේ බලය පිහිටුවයි.. නගරාධිපති පොහොට්ටුවේ ලන්සා

colombotoday

මැලේසියාවේ රැකියාවක් කල කතක් තට්ටු නිවෙසින් වැටී මරුට

Admin

20යි 20 ලෝක කුසලානයයේ වසර 10 ක සංවත්සරය

Admin

මත්ද්‍රව්‍ය නැතිව බන්ධනාගාර ඇතුළේ ආරවුල්.. රැඳවියන්ගේ සිහිවිකල් වෙයි.. 4ක් ජීවිතක්ෂයට

colombotoday