හිටපු කථානායක චමල් රාජපක්ෂ මහතා විකල්ප අපේක්ෂකයෙකු ලෙස ඉදිරි ජනාධිපතිවරණය සඳහා නාමයෝජනා බාර දීමට සූදානමින් සිටින බව වාර්තා වනවා.
ගෝඨාභය රාජපක්ෂ මහතාට එරෙහිව අධිකරණයේ පවරා ඇති නඩු හේතුවෙන් මෙම තීරණය ගෙන ඇති බව සඳහන්.
අද දිනයේ සලකා බැලෙන නඩුවේ තීන්දුව කුමක් වුවත් ඉදිරි කාලයේ දී ද ගෝඨාභය රාජපක්ෂ මහතාට විරුද්ධව විවිධ නඩු පවරනු ඇතැයි සලකා මෙම තීරණය ගෙන ඇති බවයි දේශපාලන ආරංචි මාර්ග සඳහන් කළේ.
ඒ අනුව ඉදිරි ජනාධිපතිවරණය තෙක් කාලසීමාවේදී ගෝඨාභය රාජපක්ෂ මහතාට යම් නීතිමය බාධාවක් නොවුවහොත් චමල් රාජපක්ෂ මහතාට අපේක්ෂකත්වයෙන් ඉල්ලා අස්වනු ඇති බවද සඳහන්.
ගෝඨාභය රාජපක්ෂ මහතාට යම් බාධාවක් මතුවුවහොත් චමල් රාජපක්ෂ මහතාට විකල්ප අපේක්ෂකයා ලෙස ජනාධිපතිවරණයට ඉදිරිපත් වනු ඇති බවයි දේශපාලන ආරංචි මාර්ග වැඩිදුරටත් ප්‍රකාශ කළේ.