ඉදිරි ජනාධිපතිවරණයේදී එජාප ජනාධිපති අපෙක්ෂකත්වය සජිත් ප්‍රේමදාස මහතාට ලබා දිය යුතු යැයි බලකරමින් උතුරු පළාතේ පිරිසක් මුලතිව් වට්ටාපලෙයි කන්නගි අම්මාන් කෝවිල ඉදිරිපිටදී දෙවියන්ට කන්නලව් කරමින් පොල් දහසක් බිඳීම සිදු කෙරිණි.
වව්නියාව, මන්නාරම, කිලිනොච්චිය, යාපනය හා මුලතිව් දිස්ත්‍රීක්කයන් නියෝජනය වන පරිදි නැවත පදිංචි වැසියන් පිරිසක් විසින් මෙම වැඩසටහන ඊයේ (05) රාත්‍රිය වන තුරු සංවිධානය කොට තිබුණි.
දේව කන්නලව්ව සිදු කරනු ලැබූ වැසියන් කියා සිටියේ එක්සත් ජාතික පක්ෂය වෙනුවෙන් වෙනත් කිසිඳු අපේක්ෂකයෙකු ජනාධිපතිවරණය වෙනුවෙන් සුදුසුකමක් නොමැති බවටත් එමෙන්ම උතුරු පළාතේ ජනතාවතුළ ප්‍රසාදයක් සහ විශ්වසයක් ඇති එකම පුද්ගලයා සජිත් ප්‍රේමදාස මහතා බැවින් වහාම සජිත් ප්‍රේමදාස මහතාට රටේ නායකත්වය වෙනුවෙන් අවස්ථාවක් ලබා දිය යුතු බවයි.