Colombo Today Local News

ගෝඨාභයගේ 2020 ප්‍රතිපත්ති ප්‍රකාශය සූදානම් !

ශ්‍රී ලංකා පොදුජන පෙරමුණ සහ ඒකාබද්ධ විපක්ෂය වෙනුවෙන් ඉදිරි ජනාධිපතිවරණයට ඉදිරිපත් වන ගෝඨාභය රාජපක්ෂ මහතා වෙනුවෙන් සකස් කෙරෙන ප්‍රතිපත්ති ප්‍රකාශනයේ කටයුතු අවසන් අදියරට ළඟා වී ඇතැයි ප්‍රතිපත්ති සම්පාදක මණ්ඩලයේ ජ්‍යෙෂ්ඨ ප්‍රකාශකයෙක් කීය.

පසුගිය වසර දෙක තිස්සේ කරන ලද විධිමත් සමීක්ෂණයකින් පසුව හඳුනාගත් ක්ෂේත්‍ර 29ක් ආවරණය වන ලෙස මෙම ප්‍රතිපත්ති ප්‍රකාශනය සම්පාදනය කෙරේ.

හිටපු ජනාධිපති මහින්ද රාජපක්ෂ හා බැසිල් රාජපක්ෂ යන මහත්වරැන් ප්‍රමුඛ විද්වත් මණ්ඩලයක් ඊට දායකව සිටී.

රටේ නිෂ්පාදන ආර්ථිකය දිරිගැන්වීම, උතුරට දකුණට සමාන්තර සංවර්ධන ප්‍රතිලාභ, ලොව පිළිගත් දියුණු තාක්ෂණ ක්‍රම ඔස්සේ නව ප්‍රවාහන හා නාගරික සංවර්ධන සැලසුමක් දියත් කිරීම, ජාතික ආරක්ෂාව උපරිම ලෙස තහවුරු කෙරෙන විනයගරුක සමාජයක් ගොඩනැංවීම, දිළිඳු ජනතාවගේ ආර්ථිකය පොහොසත් කෙරෙන විශේෂ සරල ව්‍යාපෘති 200ක් හඳුන්වා දීම, ජනමාධ්‍යයට නිදහස් ප්‍රවේශයක් හඳුන්වා දීම, ණය බරින් පීඩා විඳින ජාතික ආර්ථිකය ගොඩනංවා ණය බර සැහැල්ලු කිරීම යන කරුණු සඳහා ප්‍රතිපත්ති ප්‍රකාශනයේ මුඛ්‍යස්ථානයන් හිමිවෙයි.

අලුතින් පත්වන ආණ්ඩුවට නව මුහුණුවරක් දීම සඳහා රජයේ තනතුරු සඳහා සුදුස්සන් පමණක් පත් කිරීම පිළිබඳ ප්‍රතිඥාවද මෙවර ඉදිරිපත් කෙරෙන ප්‍රතිපත්ති ප්‍රකාශනය මගින් තහවුරු කෙරෙනු ඇතැයි වාර්තා වෙයි.‍

දේශය

Related posts

“සජිත් ප්‍රේමදාස බුදු දහම විකෘති කරයි”

colombotoday

ගුරුවරු කියන්නේ අදටත් පාරෙ දැක්කත් දෙපා නැමද නමස්කාරය කරන පිරිසක් – ඇමති සරත් වීරසේකර

colombotoday

ප්‍රාදේශීය ලේකම් කොට්ඨාස 15 කට නායයාම් අනතුරු ඇඟවීම්

colombotoday

කොටුව රෙජිස්ට්‍රාර්වරියගේ සිද්ධිය : තවත් අධිකරණ සේවකයෙක් අත්අඩංගුවේ

Admin

වැඩකරන්න කම්මැලි වූ පොලිස් රෝහල් අධ්‍යක්ෂක පොලිස්පති නියෝගයෙන් ඉවතට

colombotoday

එජාපයෙන් නෙරපු සාමාජිකයින් 105 දෙනා මෙන්න

colombotoday