එල්.ටී.ටී.ඊ. සංවිධානය විසින් යුද්ධය දරුණු වූ අවස්‌ථාවේදී මුලතිව් පුදුකුඩිඉරිප්පු ශිවනගර් ප්‍රදේශයේ විශාල රත්තරන් තොගයක්‌ වළ දැමූ බවට ආරක්ෂක අංශවලට ලැබුණු තොරතුරක් මත 11 දා සවස එම ස්‌ථානයේ කැණීම් කටයුතු ආරම්භ කොට තිබේ.
ආරක්ෂක අංශවලට මේ සම්බන්ධයෙන් තොරතුරු ලැබීමෙන් පසුව මුලතිව් අධිකරණයේ අවසරයක්‌ මත කැණීම් ආරම්භ කරන ලද්දේ මුලතිව් අධිකරණයේ නිලධාරීන්ගේ ද අධීක්‌ෂණය මතය.
එල්.ටී.ටී.ඊ. සංවිධානයේ සිට පුනරුත්ථාපනය වූ සාමාජිකයකු විසින් ලබා දෙන ලද තොරතුරකට අනුව මේ ස්‌ථානය පිළිබඳව මුලිතව් ආරක්ෂක අංශ අදාළ මූලික පරීක්‌ෂණ කරමින් කරමින් සිටි අවස්‌ථාවේදී දකුණේ සිට පිරිසක් එම රත්තරන් ගොඩ ගැනීම සඳහා පැමිණ සිටියදී අත්අඩංගුවට පත් වූහ. මේ ස්‌ථානයේ රත්තරන් ඇති බවට ස්‌ථිර වශයෙන් තොරතුරු ලැබීමත් සමගම මුලතිව් යුද හමුදා පොලිසිය හා පොලිස්‌ විශේෂ කාර්ය බළකාය සහ තවත් අංශ කීපයක නිලධාරීන් කැණීම් කටයුතු ආරම්භ කොට ඇත.