මතින් නිදහස් රටක් වෙනුවෙන් රටම එක්ව දිවුරුම් දීමේ බක්මහ දිවුරුම වැඩසටහනේ ප්‍රධාන උත්සවය අද (03දා) පෙරවරු 8.00ට ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් කොළඹ නිදහස් චත්‍රරස්‍රයේදී ආරම්භ විය.
නීතිවිරෝධී මත්ද්‍රව්‍ය ජාවාරම සම්පූර්ණයෙන් පාලනය කිරීම පොලීසිය ඇතුළු අනෙකුත් රාජ්‍ය අංශයන්ට පමණක්ම සිදු කළ නොහැකි බැවින් පවුල් සංස්ථාවේ සිට සමාජ සංස්ථාව දක්වා වූ පුළුල් ආකල්පීය වෙනසකින් හා සක්‍රීය දායකත්වයකින් යුතුව එම ව්‍යසනය පිටු දැකීමේ වැඩපිළිවෙළකට අවතීර්ණ වීමේ ප්‍රවිෂ්ටයක් ලෙස මත්ද්‍රව්‍ය නිවාරණ ජාතික වැඩසටහනට සමගාමීව සිදු කෙරෙන මෙම අවස්ථාව විද්‍යුත් මාධ්‍ය ඔස්සේ සජීවීව විකාශය කෙරිණි.
අග්‍රාමාත්‍ය රනිල් වික්‍රමසිංහ, පාර්ලිමේන්තුව නියෝජනය කරමින් පක්ෂ විපක්ෂ මන්ත්‍රීවරුන්ද, ආරක්ෂක අංශ ප්‍රධානීන්, රාජ්‍ය සේවයයන් ඇතුළු විශාල පිරිසක් මෙම වැඩසටහන සඳහා එක්වූහ.