ඉස්ලාම් භක්තිකයන් රමසාන් උපවාසය අත්හැරීමේ “ඉෆ්තාර්“ උත්සවයක් බොදු බල සේනා මහ ලේකම් පූජ්‍ය ගලගොඩඅත්තේ ඥාණසාර හිමියන්ගේ සහභාගීත්වයෙන් සිදුවන බවට සමාජ ජාලා වෙබ් අඩවිවල ප්‍රචාරය වන පුවත සාවද්‍ය එකක් බව එම සංවිධානය කියා සිටී.
ඥාණසාර හිමියන් එවැනි උත්සවයකට සහභාගී නොවන බවත්, එම පුවත සදහ යොදාගෙන ඇති ඡායාරූපය, මීට කලකට පෙර ඥාණසාර හිමියන් පාර්ලිමේන්තුවේදී පැවිති රැස්වීමකින් අනතුරුව පැමිණෙමින් සිටියදී පාර්ලිමේන්තු ආලින්දයේදී අමාත්‍ය කබීර් හෂීම් මහතා මුණගැසුණ අවස්ථාවේ ගත් එකක් බවද එම සංවිධානයේ ප්‍රකාශකයෙක් සදහන් කර සිටියේය.
