Colombo Today Local News

එජාප ප්‍රබලයන් දෙදෙනෙක් බැදුම්කරෙන් ලක්ෂ පනහක් අරන්….

එජාපය නියෝජනය කරන තරුණ රාජ්‍ය ඇමතිවරයෙක් සහ ප්‍රබල දේශපාලකවරියක් අර්ජුන් අලෝසියස්ගෙන් රුපියල් ලක්ෂ පනහක මුදලක් ලබාගෙන ඇති බවට බැදුම්කර වංචාව සම්බන්ධයෙන් සිදු කරන පරීක්ෂණවලදී හෙළිව ඇතැයි “ඉරිදා දිවයින“ පුවත්පත වාර්තා කර තිබේ.

අදාළ රාජ්‍ය ඇමතිවරයා රුපියල් ලක්ෂ හතලිහක්ද, ප්‍රබල දේශපාලකවරිය රුපියල් දස ලක්ෂයක්ද පසුගිය මැතිවරණ ප්‍රචාරක කටුයුතු සදහා මෙසේ ලබාගෙන ඇතැයි එම වාර්තාව පවසයි.

“මොවුන් දෙදෙනා අර්ජුන් ඇලෝසියස්‌ගෙන් මුදල් ලබාගත් බවට ඔප්පු කළ හැකි සාක්‍ෂි ලැබී ඇති බවද විමර්ශන කණ්‌ඩායම් කියා සිටියි.

අර්ජුන් ඇලෝසියස්‌ මහතාගෙන් මුදල් සහ නොයෙකුත් වරප්‍රසාද ලබාගත් දේශපාලනඥයන් ඇතුළු තවත් ප්‍රබල පුද්ගලයන් රැසක්‌ සම්බන්ධයෙන් පුළුල් විමර්ශනයක්‌ පැවැත්වෙන නිසා මේ පිළිබඳව වැඩිදුර තොරතුරු හෙළි කළ නොහැකි බවද විමර්ශන කණ්‌ඩායම් පවසයි.

කොළඹ කොම්පඤඤවීදිය ප්‍රදේශයේ පිහිටි පර්පචුවෙල් ට්‍රෙෂරීස්‌ සමාගමේ ප්‍රධාන කාර්යාලය අපරාධ පරීක්‍ෂණ දෙපාර්තමේන්තුව විසින් පසුගියදා වටලා එය දැඩි පරීක්‍ෂාවට ලක්‌කර තිබිණි.

මෙසේ මුදල් ලබා ගත්තේයයි කියන තරුණ දේශපාලනඥයා රාජ්‍ය ඇමතිවරයකු වන අතර කලක්‌ අගමැති රනිල් වික්‍රමසිංහට විරුද්ධව ක්‍රියා කළ අයෙකි. දේශපාලනඥවරිය දැනට උසස්‌ තනතුරක්‌ හොබවන අතර පාර්ලිමේන්තු මන්ත්‍රීවරියක නොවන අයෙකි“ යැයි එම වාර්තාවේ දැක්වෙයි.

කෙසේ වෙතත් මේ පිළිබදව විමසීම සදහා දිවයින පුවත්පත සුජීව සේනසිංහ රාජ්‍ය ඇමතිවරයාව අමතා ඇති අතර, ඔහු පිළිතුරු දීම ප්‍රතික්ෂේප කර තිබේ. රෝසි සේනානායක මහත්මිය විදේශගතවී ඇති බැවින් ඇයව සම්බන්ධකර ගැනීමට නොහැකි වී ඇත.

Related posts

මර්වින් සිල්වා එ.ජා.පයෙන් මැතිවරණයට ?

colombotoday

රක්ෂිතවලින් කැපූ ලක්ෂ 5ක වෙනිවැල්ගැට තොගයක් සමග සැකකරුවකු අත්අඩංගුවේ

colombotoday

සීලරතන හිමියන්ගෙන් සජිත්ට දැඩි ප්‍රහාරයක් (Video)

colombotoday

එක්ස්ප්‍රස් පර්ල් ගැන ජනපති කාර්යාලයෙන් ප්‍රකාශයක්

Admin

ඇමැති ප්‍රසන්නගේ පළමු රාජකාරිය දේපළ අහිමිවූ මන්ත්‍රීවරුන්ට සාධාරණය ඉටු කිරීමයි

colombotoday

ගම්පොල උප නගරාධිපති ෆුර්කාන් සිදුකරන සංවිධානාත්මක ඉඩම් මංකොල්ල කෑමක් ගැන හෙළිදරව්වක්

colombotoday