ජිනීවා යෝජනාවේ නිර්දේශ මුළුමනින්ම ක්‍රියාත්මක කරන තෙක් ශ්‍රීලංකාවේ පොදුරාජ්‍ය මණ්ඩලීය සාමාජිකත්වය අහෝසි කරන්නැයි දෙමළ ඩයස්පෝරාව නියෝජනය කරන දේශසීමා රහිත දෙමළ ඊලාම් රාජ්‍ය නැමති කොටි හිතවාදී සංවිධානය බලකොට තිබේ.
එමෙන්ම ශ්‍රීලංකාව ජිනීවා යෝජනාවේ නිර්දේශ මුළුමනින්ම ක්‍රියාත්මක කිරිමට අපොහොසත් වන්නේ නම් ශ්‍රීලංකාවට එරෙහිව ජාත්‍යන්තර අධිකරණ යාන්ත්‍රණයක් ක්‍රියාත්මක කරන ලෙසද මෙම සංවිධානය තවදුරටත් ඉල්ලා තිබේ.
බ්‍රිතාන්‍යයේ පැවති පොදුරාජ්‍ය මණ්ඩලීය රාජ්‍ය නායක සමුළුවට සහභාගී වූ රාජ්‍ය නායකයින් වෙත සන්දේශයක් බාරදෙමින් මෙම ඉල්ලීම් සිදුකොට ඇත.