ඊයේ රාත්රී කොළඹ බුලස් පාරේ නිවසේ දී රාත්රී 8.30 ට එජාප නායක රනිල් වික්‍ර‍මසිංහ, සභාපති මලික් සමරවික්‍ර‍ම සහ ලේකම් කබීර් හෂීම් සමග රංජිත් මද්දුම බණ්ඩාර, පාලිත රංග බණ්ඩාර, වසන්ත සේනානායක, රංජිත් අලුවිහාරේ, අශෝක අබේසිංහ යන මහත්වරුන් සාකච්ඡාවක් පැවැත්වීය.
එම සාකච්ඡාව අතරතුර පක්ෂ ප්‍ර‍තිසංස්කරන ලෙස ගාමිණී ජයවික්‍ර‍ම පෙරේරා සහ ජෝන් අමරතුංග මහත්වරුන් අමාත්‍යධුරවලින් ඉවත් කොට තරුණයින්ට අවස්ථාව ලබා දෙන බව රනිල් වික්‍ර‍මසිංහ මහතා පවසා ඇත. එහි දී වසන්න සේනානායක මහතා පවසා ඇත්තේ රටේ මිනිසුන්නට අවශ්‍යව ඇත්තේ පක්ෂය වෙනුවෙන් ජීවිතයම කැප කළ ගාමිණී ජයවික්‍ර‍ම පෙරේරා සහ ජෝන් අමරතුංග ඉවත් කිරීම නොව පක්ෂ නායකත්වයේ වෙනසක් බවයි.
පාලිත රංග බණ්ඩාර මහතා සිය ෆෙස් බුක් පිටුවේ සටහන් තබා ඇත්තේ //2018.04.01 දින රාත්රී 08.30-10.30 දක්වා ගරු අගමැති තුමා සමග කරන ලද සාකචිඡාව අනුව සැලකිය යුතු ප්රතිසංවිධානයක් නොකරන බවත් නායකත්වය වෙනසක් නොවන බවත් අනාවරණය විය.// යනුවෙනි.
