අම්පාර හා මහනුවර දිස්ත්‍රික්කවල ඇතිවූ නොසන්සුන්කාරි තත්ත්වය සිංහල – මුස්ලිම් ගැටුමක් නොවන බවත් එය මුස්ලිම් ජනතාව ඉලක්කර එල්ල කළ ප්‍රචණ්ඩකාරි පහරදීමක් බවත් අමාත්‍ය රවුෆ් හකීම් මහතා පවසයි.
ඉන්දියාවේ ද හින්දු පුවත් සේවය හා සම්මුඛ සාකච්ඡාවකට එක්වෙමින් ඔහු මේ බව පවසා ඇත.
එසේම මෙහිදී පොලීසිය වගකීම් විරහිතව ක්‍රියා කිරීම හේතුවෙන් ගැටුම දුර දිග ගිය බවත් එසේම බුද්ධි අංශවලටද ඉදිරියට සිදුවීමට යන දේ පිළිබඳව වැටහීමක් නොතිබුණ බවත් ඔහු පවසයි.
දිගනදී ඝාතනය වූ තරුණයාගේ අවසන් කටයුතු සිදුවෙන දිනයේදී යමක් සිදුවීමට ඇති හැකියාව පිළිබඳව තමන් අදාළ අංශ දැනුවත් කළත් එය ඔවුන් පිළිනොගත් බවද අමාත්‍යවරයා සඳහන් කරයි.