එක්සත් ජනතා නිදහස් සන්ධානය නියෝජනය කරන මන්ත්‍රීවරයෙකුට විපක්ෂ නායක ධුරය දැරිය නොහැකි බව දෙමළ ජාතික සන්ධානය පවසයි.
එම සන්ධානයේ පාර්ලිමේන්තු මන්ත්‍රී එම්.ඒ. සුමන්තිරන් මහතා පවසන්නේ ජනාධිපතිවරයා එක්සත් ජනතා නිදහස් සන්ධානයේ නායකයා වන බැවින් විපක්ෂ නායක ධුරය එම පක්ෂයට ලබාදිය නොහැකි බවයි.
මේ අතර විපක්ෂ නායක ධුරය එක්සත් ජනතා නිදහස් සන්ධානයේ ඒකාබද්ධ විපක්ෂය නියෝජනය කරන මන්ත්‍රී කණ්ඩායමට ලබා දෙන ලෙස ඉල්ලා සිටින බව හිටපු ජනාධිපති මහින්ද රාජපක්ෂ මහතා පවසයි.
විපක්ෂ නායක ධුරය ඒකාබද්ධ විපක්ෂයට ලබා දෙන්නැයි කථානායකවරයාගෙන් ලිඛිතව ඉල්ලීමට කටයුතු කරන බව එහි නායක දිනේෂ් ගුණවර්ධන මහතා “මව්බිම“ පුවත්පතට ප්‍රකාශ කර තිබේ.