එක්සත් ජාතික පක්ෂය සමග තවත් ආණ්ඩුව කරගෙන යෑමට ජනාධිපතිවරයා අකමැති නම් වහාම එක්සත් ජාතික පක්ෂ ආණ්ඩුවක් පිහිටුවීමට කටයුතු කරන ලෙස එජාප පසුපෙළ මන්ත්‍රීන් විසින් එජාප නායකත්වයට දැඩි ලෙස බලපෑම් කරමින් සිටිතැයි මාධ්‍ය වාර්තා පලවෙයි.
එජාපය දෙසින් එල්ල කරන විවේචන වලට විරෝධය පා ඊයේ 16 දා පැවති කැබිනට් රැස්වීමෙන් ජනාධිපතිවරයා නැගිට යෑමෙන් පසු මෙම බලපෑම් තවත් වැඩිවී ඇති බවද පැවසෙන අතර පවතින දේශපාලන තත්ත්වය සම්බන්ධයෙන් සාකච්චා කිරීම සදහා එක්සත් ජාතික පක්ෂය විසින් හෙට (17) දිනයේ විශේෂ කෘත්‍යාධිකාරී මණ්ඩල සාකච්චාවක් කැදවා ඇත.
ජනාධිපතිවරයාට ධුරය දරන්නට බැරි නම් ඉන්ද ඉල්ලා අස්වන ලෙසත් ව්‍යවස්ථානුකූලව ඉතිරි ධුර කාලය අගමැති රනිල් වික‍්‍රමසිංහ මහතා බාර ගැනීමට කටයුතු කරන ලෙසත් ජනාධිපතිවරයා දිගින් දිගටම විවේචනය කරන ලද එජාප පාර්ලිමේන්තු මන්ත‍්‍රීවරයෙකු සදහන් කර ඇතැයිද වාර්තා පලවෙයි.