සියලු පළාත්සභාවල ඡන්දය එකම දිනයක පැවැත්වීමේ විධිවිධාන ඇතුළත් 20 වැනි ආණ්ඩුක්‍රම ව්‍යවස්ථා සංශෝධනය පාර්ලිමේන්තුවේ සම්මතකර ගැනීමේ අදහස අත්හැර දැමීමට ආණ්ඩුව තීරණය කර තිබෙන බව පැවසේ.
එය මේ වන විට පාර්ලිමේන්තුවට ඉදිරිපත් කර ඇති අතර පාර්ලිමේන්තුවේ තුනෙන් දෙකකිස් සම්මත කිරීමකට අමතරව ජනමත විචාරණයක් පැවැත්විය යුතු බවට ඇතැම් නීදි විශාරදයින් රජයට දැනුම්දී තිබෙන නිසා 20 සම්මත කර ගැනීම අතහැර දැමීමට රජය තීන්දු කර ඇත.
මේ අතර, විසි වැනි ආණ්ඩුක්‍රම ව්‍යවස්ථා සංශෝධනය සම්මත නොවුණහොත් සබරගමුව, උතුරුමැද සහ නැගෙනහිර පළාත් සභා තුනේ ඡන්ද විමසීම දෙසැම්බර් මස නව වැනිදා පැවැත්වෙන බව මැතිවරණ කොමිසමේ සභාපති මහින්ද දේශප්‍රිය මහතා පවසයි.
එම ඡන්දයේ නාමයෝජනා කැඳවීම ඔක්තෝබර මස දෙවැනිදා සිදු කරන අතර නාමයෝජනා බාර ගැනීම ඔක්තෝබර් 16 ත් 23ත් අතර කාලයේදී සිදු කරන බව ද දේශප්‍රිය මහතා පවසයි.