ත්‍රීකුණාමලය තෝපූර් හි පිහිටි පුරාවිද්‍ය රක්ෂිත භූමියකට අයිතිවාසිකම් කියමින් මුස්ලිම් ජාතික පිරිසක් උද්ඝෝෂණයක නිරත වීම නිසා එහි පසුගිය 30 වනදා උණුසුම්කාරී තත්ත්වයක් ඇතිවිය.
එම ස්ථානයට රැස්වූ පිරිස පුරාවිද්‍යා රක්ෂිත භූමියේ සීමා නීර්ණය කිරීම සදහා සිටුවා තිබූ මායිම් කණු කඩා බිද දමා ඇති අතර, එම ප්‍රදේශයේ මුස්ලිම් ජාතිකයන් අවුරුදු 100ක් පමණ සිට ජීවත්වන බැවින් එය ඔවුන්ට අයත් භූමියක් බව පවසමින් මෙසේ විරෝධතාව පලකර ඇත.
අදාළ භූමියේ පුරාවිද්‍යා නිරීක්ෂණ කටයුතු ආරම්භ කිරීම සදහා කටයුතු ආරම්භ වෙමින් තිබියදී මෙලෙස විරෝධය දක්වා ඇති අතර, පුරාවිද්‍යා නිලධාරීන්ට තර්ජණය කර එම ස්ථානයෙන් පලවාහැර ඇති බවද පැවසේ.
පුරාවිද්‍යා භූමියකට හානි කිරීම බරපතල වැඩ ඇතිව දඩුවම් ලැබිය හැකි වරදක් වුවද, අදාල පුද්ලයන්ට එරෙහිව මෙතෙක් නීතිය ක්‍රියාත්මක කිරීමට පොලීසිය අසමත් වී ඇති බවද ආරංචිමාර්ග සදහන් කරයි.
