අධික වර්ෂාව සමග ඇති වූ නායයාම් හා ගංවතුර හේතුවෙන් කළුතර සහ රත්නපුර දිස්ත්‍රික්කවල පුද්ගලයින් 57 දෙනෙකු මියගොස් තිබේ.
කලුතර දිස්ත්‍රික්කයේ පමණක් පුද්ගල මරණ 37ක් හා අතුරුදන්වීම් 70ක් පමණ වාර්තා වේ.
දිවයින පුරා ඇද හැලෙන වැසි තත්ත්වය තව දුරටත් වර්ධනය වෙමින් පවතින බව කාලගුණ විද්‍යා දෙපාර්තමේන්තුව සදහන් කරයි.
ඉදිරි පැය 48 ඇතුළත දිවයිනේ සෑම ගංගාවක් ආශ්‍රිතවම මහා ගංවතුර තත්වයක් ඇතිවිය හැකි බැවින් වහාම සිය නිවෙස්වලින් ඉවත් වී ආරක්ෂිත ස්ථාන වෙත යන මෙන් ගංගා ආසන්නයේ වෙසෙන සියලුම පවුල්වලින් ආණ්ඩුව ඉල්ලීමක් කරයි.