මන්නාරම, මුල්ලිකුලම්හි නාවික හමුදා කදවුර පිහිට ඉඩම මුදාහරින්නැයි බලකරමින් පිරිසක් විරෝධතාවක් ආරම්භ කර තිබේ.
නාවික කදවුර අසල වාඩිලාගනිමින් දින කිහිපයක් තිස්සේ මෙම පිරිස විරෝධතාවයේ නිරත වී සිටී.
මුල්ලිකුලම් නාවික හමුදා කඳවුර ස්‌ථාපිත කර ඇත්තේ රජයේ ඉඩම්වලයි. එම ඉඩම්ද පුද්ගලික ඉඩම් යෑයි කියමින් අත්පත් කර ගැනීමට ද්‍රවිඩ සන්ධානය මෙහෙය වූ විරෝධතාකරුවන් උත්සාහ කරනවා යෑයි නාවික හමුදා ආරංචිමාර්ග සදහන් කරයි.
මුලතිව් කෝපාපිලව්හි ගුවන් හමුදාව රැදී සිටි ඉඩම් නිදහස් කරන ලෙස බලකරමින් පසුගිය ජනවාරි මස සිට කදවුරු පරිශ්‍රය අසල පිරිසක් උපවාසයේ නිරත වූ අතර, එම විරෝධතාවට සහය පලකිරීම සදහා උතුරු පළාතේ පාසල් සිසුන්ද යොදවාගෙන තිබිණි. පසුව රජය මැදිහත්වීමෙන් කෝපාපිලව් ගුවන් හමුදා කදවුර ඉවත් කර ගැනිණි.
