ශ්‍රී ලංකාව හා චීනය අතර ආරම්භ කර ඇති සංවර්ධන ගිවිසුම් හා සංවර්ධන ක්‍රියාවලියට එරෙහිව ඉන්දියාව නොසතුටෙන් කටයුතු කරමින් සිටින බවත්, ඉන්දියාව ඒ හරහා අනවශ්‍ය ලෙස ඇගිලිගැසීම් සිදු කරන බවත් චීන ජාතික පුවත්පතක් වාර්තා කරයි.
ඉන්දීය සාගර කලාපයේ ඉන්දියාවට ඇති බලය අහිමි වේයැයි බිය හේතුවෙන් ඉන්දියාව මෙසේ ශ්‍රී ලංකා – චීන සබඳතා සඳහා එරෙහිව කටයුතු කරන බව චීනයේ ග්ලෝබල් ටයිම්ස් පුවත්පත තොරතුරු වාර්තා කර තිබේ.
චීනයේ අධ්‍යාපඥයෙකු වෙන යී මින්වෑන්ග් හා සාකච්ඡාවක් පවත්වමින් ග්ලෝබල් ටයිම්ස් පුවත්පත මෙම තොරතුරු වාර්තා කර ඇත.
හම්බන්තොට වරාය ගනුදෙනුව පිළිබඳව ඉන්දියාව වැඩි වශයෙන් අවධානය යොමු කර ඇතැයිද මින්වෑන් ප්‍රකාශ කර තිබේ.
කෙසේ වෙතත් මෙම ගිවිසුමෙන් ඉන්දියාවට බලපෑමක් නොවන බවට ඔහු ප්‍රකාශ කර ඇත.
එමෙන්ම මෙය ශ්‍රී ලංකාවේ ආර්ථිකයට ධනාත්මක ආකාරයෙන් බලපානු ඇති බවද මින්වෑන්ග් පවසයි.