විදේශ කටයුතු අමාත්‍ය මංගල සමරවීරගේ එළඹෙන ඉතියෝපියානු සංචාරය අතරතුරදීශ්‍රී ලංකා ප්‍රජාතාන්ත්‍රික සමාජවාදී ජනරජයේ විදේශ කටයුතු අමාත්‍යාංශය සහ ඉතියෝපියානු ෆෙඩරල් ප්‍රජාතාන්ත්‍රික ජනරජයේ විදේශ කටයුතු අමාත්‍යාංශය අතර රාජ්‍යතාන්ත්‍රික උපදේශනයන් පිළිබඳ අවබෝධතා ගිවිසුමකට අත්සන් තැබීම සදහා කැබිනට් අනුමැතිය හිමිවී තිබෙනවා.
වැඩබලන විදේශ කටයුතු අමාත්‍ය ආචාර්ය හර්ෂ ද සිල්වා විසින් අදාළ යෝජනාව ඉදිරිපත් කර ඇත.
එක්සත් ජාතීන්ගේ ප්‍රඥප්තියේ ඇතුළත් මූලධර්ම මත පදනම්ව දෙරට අතර සාම්ප්‍රදායික මිත්‍ර සම්බන්ධතා හා සහයෝගිතාව ශක්තිමත් කරගැනීමේ හා වර්ධනය කරගැනීමේ අරමුණ ඇතිව,විදේශ කටයුතු අමාත්‍ය මංගල සමරවීර ඉතියෝපියානු සංචාරය සිදු කිරීමට නියමිතයි.