UPDATE : මාළිගාවත්ත පොලීසිය විසින් අද පෙරවරුවේ අත්අඩංගුවට ගත් තව්හිද් ජමාත් නම් සංවිධානයේ ලේකම් අබ්දුල් රාසික් රෆ්දීන් නමැත්තා නොවැම්බර් 29 වන දින දක්වා රක්ෂිත බන්ධනාගාරගත කිරීමට අලුත්කඩේ අධිකරණය නියෝග කර තිබෙනවා.
අද පෙරවරුවේ මාළිගාවත්ත පොලීසිය විසින් අත්අඩංගුවට ගත් තව්හිද් ජමාත් නම් සංවිධානයේ ලේකම් අබ්දුල් රාසික් නමැත්තා කොළඹ අලුත්කඩේ අංක 4 දරණ උසාවියට ඉදිරිපත් කිරීමට නියමිත බව පොලිස් ආරංචි මාර්ග කියයි.
මේ අතර අද පෙරවරුවේ මාළිගාවත්ත පොලිසියේ නිලධාරීන් පැමිණ ගලගොඩඅත්තේ ඥාණසාර හිමියන්ගෙන් විශේෂ ප්‍රකාශයක් සටහන් කරගෙන ඇත.
බුදුන් වහන්සේට අපහාස කිරීම සම්බන්ධයෙන් පවරා ඇති නඩුවක ඇප කොන්දේසි කඩ කරමින් පසුගියදා කොළඹ පැවති උද්ඝෝෂණයකදී බෞද්ධයන් කුපිත කරන ආකාරයේ ප්‍රකාශ කළැයි කරන ලද පැමිණිල්ලකට අනුව අබ්දුල් රාසික් නමැත්තා අද පෙරවරුවේ අත්අඩංගුවට ගනු ලැබීය.