තමන් ඇමරිකාවේ හෝ බැරක් ඔබාමාගේ රූකඩයක් නොවන බවත්, තමන් පිලිපීන ජනතාවට මිස වෙනත් කිසිවෙකුටත් පිළිතුරු දීමට සූදානම් නොමැති බවත්, පිලිපීන ජනාධිපති රොද්‍රිගෝ ඩූටට් ප්‍රකාශ කර ඇති බව විදෙස් මාධ්‍ය වාර්තා පවසයි.
ඔහු මෙලෙස ප්‍රකාශ කර තිබෙන්නේ මත්ද්‍රව්‍ය ජාවාරම මැඩලීම සදහා පිලීපීන රජය ගෙන ඇති දැඩි පියවර සම්බන්ධයෙන් පිලිපීන ජනාධිපතිවරයා සමග සාකච්ඡා කිරීමට තමන් අපේක්ෂා කරන බවට ඇමරිකානු ජනාධිපති බැරක් ඔබාමා විසින් කරන ලද ප්‍රකාශයකට ප්‍රතිචාර දක්වමින්.
ජනාධිපති බැරක් ඔබාමා හැඳින්වීමට රොද්‍රිගෝ ඩූටට් විසින් ඉතා අසභ්‍ය වචන ද භාවිත කර ඇති බවයි විදෙස් මාධ්‍ය පවසන්නේ.
අමෙරිකානු ජනාධිපති බැරක් ඔබාමා සහ පිලිපීන ජනාධිපති රොද්‍රිගෝ ඩූටට් අතර පැවැත්වීමට නියමිතව තිබූ සාකච්ඡාවක් අමෙරිකාව විසින් අවලංගු කර තිබෙනවා.