රට වෙනුවෙන්, දේශය වෙනුවෙන් රටේ ජනතාවගේ අභිවෘද්ධිය වෙනුවෙන් ප්‍රධාන දේශපාලන පක්ෂ දෙක එකමුතු වී වැඩ කටයුතු කිරීම සතුටුදායි කරුණක් බව අමාත්‍ය සජිත් ප්‍රේමදාස මහතා පවසයි.
“එක්සත් ජාතික පක්ෂය ලබන සතියේ සංවත්සරය සමරනවා. හරියට වැඩිමහල් සහෝදරයයි, බාල සහෝදරයයි වගේ. මේ රටේ ප්‍රජාතන්ත්‍රවාදී ඉතිහාසය පුරාවටම එක්සත් ජාතික පක්ෂය කියන වැඩිමහල් සහෝදරයයි, ශ්‍රි ලංකා නිදහස් පක්ෂය කියන බාල සහෝදරයයි හැමදාම ගැටුනා, හැමදාම හැප්පුනා. තට්ටු මාරු ක්‍රමයට් රටේ පාලනය ගෙනිච්චා. යු. එන් පීය දිනන කොට ශ්‍රිලනිපය කොන් වෙලා.ශ්‍රිලනිපය දිනන කොට යුඑන්පීය කොන්වෙලා. ප්‍රජාතන්ත්‍රවාදීව කවුරු දින්නත් රටේ එක්තරා කොට්ඨාශයක් කොන් වෙලා. එත් අද එජාපයේ නායකතුමයි ශ්‍රිලංනිපයේ නායකතුමයි දේශපාලන වශයෙන් සුසංයෝගයකට එක් වෙලා, සංහිදියාවකට එක් වෙලා රටේ සාමය, සංහිදියාව, ආර්ථික සංවර්ධනය වැඩි කරන්න කටයුතු කරමින් ඉන්නවා.” අමාත්‍යවරයා වැඩිදුරටත් පවසයි.