ඇමරිකානු රාජ්‍ය දෙපාර්තමේන්තුවේ ආර්ථික හා ව්‍යාපාරික කටයුතු පිළිබද සහකාර රාජ්‍ය ලේකම් වාල්ස්. එච්.රිව්කින් මහතා දෙදින නිල සංචාරයක් සදහා එළැඹෙන 11 වනදා දිවයිනට පැමිණෙන බව ශ්‍රී ලංකාවේ ඇමරිකානු තානාපති කාර්යාලය පවසයි.
දෙරට අතර වෙළෙඳ හා ආයෝජන කටයුතු ඉහළ නංවා ගැනීමේ අරමුණෙන් සහකාර රාජ්‍ය ලේකම්වරයා දිවයිනට පැමිණෙන බවත්, එම සංචාරය අතරතුරදී ජනධිපති මෛත්‍රීපාල සිරිසේන හා අග්‍රාමාත්‍ය රනිල් වික්‍රමසිංහ යන මහත්වරු ඇතුළු මැති ඇමතිවරුන් මෙන්ම, මෙරට ප්‍රමුඛ පෙළේ ව්‍යාපාරිකයන් හමුවීමට නියමිත බවත් තානාපති කාර්යාලය නිකුත් කළ නිවේදනයේ දැක්වෙයි.