ශ්‍රී ලංකාවේ පිහිටීම අනුව කළාපයේ මුහුදු සීමාවන්හී ආරක්ෂාව සහ ස්ථාවරත්වය තහවුරු කිරීම සදහා මෙරට දායකත්වය අතිශයින් වැදගත් බව ඇමරිකානු තානාපති අතුල් කේශාප් මහතා පවසයි.
ඇමරිකාවේ නිව් ඔරිලන්ස් හි 13 වෙනි නාවුක කාර්ය සාධක බළකා ඒකකය ශ්‍රී ලංකාවේ සංචාරය කිරීම නිමිත්තේන් මාධ්‍ය වෙත ප්‍රකාශයක් නිකුත් කරමිනුයි ඔහු මේ බව ප්‍රකාශ කර සිටියේ.
කළාපයේ සමුද්‍රීය ආරක්ෂාව තහවුරු කිරීම සදහා ශ්‍රී ලංකා නාවික හමුදාව සමග එක්ව කටයුතු කිරීමට ඇමරිකාව සැලසුම්කර ඇති බවද ඇමරිකානු තානාපතිවරයා වැඩිදුරටත් සදහන් කරයි.
නිව් ඔරිලන්ස් හි 13වෙනි නාවුක කාර්ය සාධක බළකා ඒකකයට අයත් නෞකාව ඊයේ (24) දින මෙරටට පැමිණි අතර, ශ්‍රී ලංකා නාවික හමුදාව වෙනුවෙන් විශේෂ පුහුණු වැඩසටහන් කිහිපයක්ම ක්‍රියාත්මක කිරීමට මෙම ඒකකය සැලසුම් කර ඇත.