එක්සත් ජාතික පක්ෂය පසුගිය මැතිවරණයේදී සිය ප්‍රතිපත්ති ප්‍රකාශනයෙන් ඉදිරිපත් කළ ප්‍රමුඛතම වැඩපිළිවෙල ඇතුළත් පස් අවුරුදු සංවර්ධන ව්‍යාපෘතියේ ප්‍රධානියා වශයෙන් හිටපු මහබැංකු අධිපති අර්ජුන් මහෙන්ද්‍රන් මහතා පත් කිරීමට රජය තීරණය කර ඇත.
වසර 4ක් ඇතුළත රැකියා දස ලක්ෂයක් බිහි කිරීම, එට්කා ඇතුළු විදෙස් රටවල් සමග ඇතිකරගන්න වෙළද ගිවිසුම් ඇතුළු යහපාලන රජයේ සියළු සංවර්ධන ව්‍යාපෘති මෙම පස් අවුරුදු සැළැස්මට ඇතුළත් වී ඇත.
ශ්‍රී ලංකා මහබැංකුවේ බැදුම්කර නිකුත් කිරීමේදී ඇතිවූ මහා පරිමාණ දූෂණය සම්බන්ධයෙන් එල්ල වී ඇති චෝදනාවෙන් නිදොස් කොට නිදහස් කරන තුරු යළි මහබැංකු අධිපති ධුරය හො වෙනත් තනතුරු භාර නොගන්නා බවට අර්ජුන් මහෙන්ද්‍රන් මහතා මීට පෙර ප්‍රකාශ කර තිබිණි.
අගමැතිවරයා සමග සිංගප්පූරු චාරිකාවටද එකතු වූ මහෙන්ද්‍රන් මහතා පෙරළා අද අළුයම දිවයිනට පැමිණ ඇත.