මඩකලපුවේ එකම බෞද්ධ විහාරස්ථානය වූ ශ්‍රි මංගලාරාම විහාරස්ථානයේ නව විහාර මන්දිරය විවෘත කිරීමට පැමිණෙන්නැයි ආරාධනා කර තිබියදීත් අවස්ථා කිහිපයකදීම ජනාධිපතිවරයා විසින් එය පැහැර හැරීමට විරෝධය පළකරමින් විහාරාධිපති පුජ්‍ය අම්පිටියේ සුමනරතන හිමියන් විසින් ඉකුත් දා එහි වූ ජනපතිගේ නම සදහන් සමරු ඵලකය කඩා ඉවත් කරනු ලැබීය.
ඉන් අනතුරු ජනාධිපතිවරයාගේ නිර්දෝෂීභාවය වෙනුවෙන් පෙනී සිටිමින් ජාතික රූපවාහිනිය සහ ස්වාධීන රූපවාහිනිය පූජ්‍ය අම්පිටියේ සුමනරතන හිමියන්ව නිර්දය ලෙස විවේචනය කරමින් උන්වහන්සේ ජාතිවාදියෙක් සහ අන්තවාදියෙකු ලෙස හංවඩු ගැසීමේ පහත් උත්සාහයක නිරතවනු දක්නට ලැබිණි. ඒ සදහා ආණ්ඩු හිතවාදී දඹර අමිල හිමියන්ගේ ප්‍රකාශයක්ද ප්‍රචාරය කෙරිණි.
කෙසේ වෙතත් රටම නොමග යවමින් මහා සංඝරත්නයට පහරදුන් රාජ්‍ය මාධ්‍යට සහ කොළඹ සිට දේශපාලකයන්ට බත්බැළකම් කරන ඇතැම් භික්ෂූන්ට, එදා කොටි ත්‍රස්තවාදී තර්ජණ හමුවෙත් අද ඉස්ලාමීය සහ ද්‍රවිඩ අන්තවාදීන් හමුවේත් මඩකලපුවේ බොදු උරුමය වෙනුවෙන් අභීතව පෙනී සිටින අම්පිටියේ සුමනරතන හිමියන් මෙසේ ප්‍රතිචාර දක්වා තිබේ.