හදිසි ආපදා තත්වයෙන් විපතට පත්ව සිටින ශ්‍රී ලාංකිකයන්ට පළමු විදේශීය ආධාර රැගත් ගුවන් යානය ඊයේ ඊයේ (20) රාත්‍රී 8.35ට කටුනායක ගුවන්තොටුපොළ වෙත ළඟාවී තිබේ.
මේ ආධාර තොගය පැමිණියේ ජපානයේ සිට එමිරේට්ස් ගුවන් සමාගමට අයත් EK 650 දරණ ගුවන් යානයෙනි.
එහි බ්ලැන්කට්ස්, වතුර පිරිසිදු කිරීමේ බෙහෙත්, වතුර ටැංකි හා ජෙනරේටර් ඇතුළු විශාල භාණ්ඩ තොගයක් ඇතැයි වාර්තා වේ.
ආධාර රැගත් තවත් ගුවන් යානයක් අද 21 පාන්දර 4.45ට ඉන්දියාවේ සිට පැමිණියේය. එසේ ඉන්දියාවේ සිට ලංකාවට ආධාර රැගෙනආවේ ඉන්දීය විශේෂ ගුවන් යානයකිනි.
මේ අතර ආධාර රැගත් නැව් දෙකක් ශ්‍රී ලංකාවට එවීමට ඉන්දීය රජය තීරණය කර ඇති අතර ඉන් එක නෞකාවක් මේවන විටත් ඉන්දියාවේ කෝචින් වාරයෙන් පිටත්ව ඇති බව ඉන්දීය මාධ්‍ය වාර්තා කර තිබේ.