වෛද්‍යවරුන් ඇතුළු රෝගීන් 42 ක්‌ මරුමුවට පත් කරමින් ඇෆ්ගනිස්‌ථානයේ කුන්දුස්‌ රෝහලට එල්ල වූ බෝම්බ ප්‍රහාරය යුද අපරාධයක් නොවන බව ඇමරිකානු ආරක්ෂක දෙපාර්තමේන්තුව ප්‍රකාශ කර ඇත.
ඇමරිකානු ආරක්ෂක දෙපාර්තමේන්තුවේ ජනරාල් ජෝශප් වෝටල් පැවසුවේ එම රෝහලට ප්‍රහාර එල්ලවීම තාක්ෂණික දෝෂයක් නිසා සිදුවූවක්‌ බවයි.
ප්‍රහාරය එල්ල කළ ගුවන් හමුදාව තම ඉලක්‌කය රෝහලක්‌ බව දැන සිටියේ නැහැ යෑයිද හෙතෙම පළ කළේය.
එහෙත් ප්‍රංශ එම්.එස්‌.එෆ්. සංවිධානයේ වෛද්‍යවරු පැවසුවේ රෝහලට බෝම්බ දැමීම ආරම්භ වීමත් සමඟම තමන් ඇමරිකානු බලධාරීන්ට දැනුම්දීමක්‌ කළත් විනාඩි 20 ක්‌ තිස්‌සේ බෝම්බ දැමීම සිදුවූ බවත්ය.
