තෙදින නිල සංචාරයක් සදහා චීනය බලා පිටත්ව ගිය අග්‍රාමාත්‍ය රනිල් වික්‍රමසිංහ මහා ඊයේ (06දා) රාත්‍රියේ බීංජි ගුවන්තොටුපොළෙන් චීනයට ළගා විය. අග්‍රාමත්‍යවරයා පිළිගැනීම සදහා චීන නියෝජ්‍ය විදේශ ඇමතිවරයා ඇතුළු පිරිසක් එක්ව සිටියහ.
චීන එක්සිම් බැංකුවේ සභාපති ලියූ ලියන්ගේ මහතා හා ශ්‍රී ලංකා අග්‍රාමාත්‍යවරයා අතර ද්විපාර්ශ්වික සාකච්ඡාවක් අද (07දා) පැවති අතර පසුව චීන කොමියුනිස්ට් පක්ෂ නියෝජිතයන් හා සාකච්ඡාවකටද අගමැතිවරයා එක්විය.
ලංකාවේ සංවර්ධන ව්‍යාපෘති සදහා පසුගිය සමයේ වැඩිපුරම ණය ආධාර ලබාගෙන ඇත්තේ චීන එක්සිම් බැංකුවෙන් වන අතර වත්මන් රජ‍යද ඉදිරි ආර්ථික කටයුතු හා සංවර්ධන ව්‍යාපෘති වෙනුවෙන් එක්සිම් බැංකුවේ සහය ලබා ගැනීමට කටයුතු කරමින් සිටින බව ආරංචි මාර්ග සදහන් කරයි.
