අයිස් මත්ද්‍රව්‍ය ළඟ තබාගෙන සිටියේ යැයි කියන රහස් පොලිසියේ රාජකාරි කරන කොස්තාපල්වරයකු ආදුරුප්පුවීදිය පොලිසියේ නිලධාරීන් කණ්ඩායමක් විසින් සැකපිට අත්අඩංගුවට ගෙන තිබේ.
මෙම සැකකාර පොලිස් කොස්තාපල්වරයා ඔරුගොඩවත්ත ආලෝක සංඥා පුවරුව අසල රැඳී සිටියදී සැකපිට අත්අඩංගුවට ගෙන ඇතැයි වාර්තා වේ.
සැකකාර පොලිස් කොස්තාපල්වරයා පරීක්ෂාකර බැලීමේදී මෙම අයිස් මත්ද්‍රව්‍ය සොයා ගැනීමට හැකිවී ඇතැයිද වාර්තා වේ.
අත්අඩංගුවට ගත් සැකකරු අයිස් මත්ද්‍රව්‍ය පානය කිරීමට ඇබ්බැහි වී සිටින අයකු දැයි යන්න සොයා ගැනීමට ඔහු වෛද්‍යවරයකු හමුවට ඉදිරිපත් කර පරීක්ෂාකර බැලීමට ද පොලිසිය කටයුතු යොදා ඇත.