2023 ආසියානු කුසලානය පැවැත්වෙන දින සහ ස්ථාන මේ වන විට නිල වශයෙන් තහවුරු කර ඇති අතර, තරඟාවලිය අගෝස්තු 31 සිට සැප්තැම්බර් 17 දක්වා පකිස්ථානයේ දී සහ ශ්‍රී ලංකාවේ දී හයිබ්‍රිඩ් පැවැත්වීමට නියමිතව ඇත.
මෙම තරඟාවලිය මුලුමනින්ම පකිස්ථානයේ පැවැත්වීමට නියමිතව තිබූ නමුත් ඉන්දියානු කණ්ඩායම පකිස්ථානයට නොයවන බව එරට ක්‍රිකට් බලධාරීන් ප්‍රකාශ කිරීමෙන් පසුව දෙමුහුන් ආකෘතියට තරඟ පැවැත්වීමට යෝජනා විය. ඒ අනුව තරඟ 13 න් හතරක් පකිස්ථානයේදී සහ ඉතිරි නවය ශ්‍රී ලංකාවේදී පැවැත්වීමට ආසියානු ක්‍රිකට් කවුන්සිලය අනුමත කරන ලදි.
2008 වසරෙන් පසු පකිස්ථානයේ කණ්ඩායම් කිහිපයක සහබාගීත්වයෙන් තරඟාවලියක තරඟ පැවැත්වෙන පළමු අවස්ථාව මෙය වේ.
2022 ආසියානු කුසලානය පන්දුවාර 20 ආකෘතියෙන් පැවැත්වූ අතර ශ්‍රී ලංකාව වත්මන් ශූරයන් වේ. අවසන් පන්දුවාර 50 ආසියානු කුසලානය 2018 වසරේ එක්සත් අරාබි එමීර් රාජ්‍යයේදී පැවැත්වුණු අතර එහිදී ඉන්දියාව විසින් බංග්ලාදේශය පරාජය කරන ලදී.