යුද අපරාධ චෝදනා පිළිබඳ විමර්ශනය කිරීම සඳහා වූ විශේෂ අධිකරණයට විදේශ විනිසුරුවරු වෝහාරික විශේෂඥයන්, පරීක්‍ෂකයන් සම්බන්ධ කර ගැනීම ගැන අවධානය යොමු කරන බව විදේශ ඇමැති මංගල සමරවීර මහතා වොෂිංටන් නුවරදී ප්‍රකාශ කර ඇත.
මේ බව ඇසෝෂියේටඩ් ප්‍රෙස්‌ ආයතනය හෙළි කර තිබේ. ඉදිරි මාස පහ තුළ එම විශේෂ අධිකරණය ස්‌ථාපිත කරන අතර ඒ ගැන සෑම පාර්ශ්වයකින්ම කරුනු විමසන බව ද හෙතෙම කියා තිබේ.
ශ්‍රී ලංකා ජනාධිපති මෛත්‍රිපාල සිරිසේන මහතා මෙයට පෙර ප්‍රකාශයක්‌ කරමින් යුද අපරාධ චෝදනා විමර්ශනය කිරීමට දේශීය යාන්ත්‍රණයක්‌ ස්‌ථාපිත කරන බවත් ඊට විදේශ විනිසුරුවන් පත් කරන්නේ නැති බවත් සඳහන් කර ඇත.
විදේශ සහභාගීත්වය සඳහා ශ්‍රී ලංකාව විවෘත බව සමරවීර කීවේය.
කීර්ති වර්ණකුලසූරිය