යුක්‍රේනයේ සරණාගතයින් ලෙස සේවය කරමින් නීති විරෝධී දුම්කොළ කම්හල් තුනක් පවත්වාගෙන ගිය බව කියන කල්ලියක් ස්පාඤ්ඤයේ පොලිසිය විසින් අත්අඩංගුවට ගෙන තිබෙන බව විදෙස් මාධ්‍ය පවසයි.
ස්පාඤ්ඤයේ කලාප තුනක මෙම මෙහෙයුම් සිදුකර ඇති අතර පුද්ගලයින් 27 දෙනෙකු අත්අඩංගුවට ගෙන තිබෙන බව විදෙස් මාධ්‍ය වැඩිදුරටත් සඳහන් කරයි.
මෙම කර්මාන්තශාලාවල දිනකට සිගරට් පැකට් මිලියන භාගයකට වඩා නිපදවා ඇති අතර, ඒවා ස්පාඤ්ඤය පුරා සහ විදේශයන්හි අලෙවි වී ඇති බවයි විදෙස් මාධ්‍ය සඳහන් කරන්නේ.
රුසියාව විසින් තම රට ආක්‍රමණය කිරීමෙන් පලා ගිය යුක්‍රේන ජාතිකයන් මෙම කර්මාන්තශාලා තුළ ජීවත්වෙමින් මෙය සිදු කර ඇති බවයි විදෙස් මාධ්‍ය පවසයි.
මෙම වැටලීමේදී බලධාරීන් විසින් යුරෝ මිලියන 37.5 වටිනා දුම්කොළ නිෂ්පාදන, සුඛෝපභෝගී වාහන, ස්වර්ණාභරණ සහ විශාල මුදල් ප්‍රමාණයක් අත්අඩංගුවට ගෙන ඇත.
නිවාස 20කට වැඩි ප්‍රමාණයක්, කාර්මික ගොඩනැගිලි සහ කඩසාප්පු සෝදිසි කර ඇති බවද විදෙස් මාධ්‍ය පවසයි.
එක්සත් ජාතීන්ගේ සංවිධානයට අනුව, 2022 පෙබරවාරි මාසයේ රුසියානු ආක්‍රමණයෙන් පසු පලා ගිය යුක්‍රේනියානු සරණාගතයින් මිලියන අටකට ආසන්න ප්‍රමාණයක් යුරෝපය පුරා වාර්තා වී ඇති අතර ස්පාඤ්ඤයේ 160,000 කට වඩා ලියාපදිංචි වී ඇති බවද විදෙස් මාධ්‍ය සඳහන් කරයි.